கல்லறைக்குள் ஓர் ஞான தீபம்

ஏய் ’ என்று சொல்லி என்னை
அழைத்தபோது உன்னைத்
திட்டாமல் வந்திருந்திருக்கலாம் !

என்னை அதட்டி மிரட்டிய போது
உன்னை உதாசீனப்படுத்தி
முறைக்காமல் பொறுத்திருந்திருக்கலாம் !

நம் திருமண நாட்களில்
பரிசுகளெதையும் தராத உன்னை
கோபிக்காமல் மகிழ்வித்திருந்திருக்கலாம்!

நான் கேட்டெதுவும் வாங்கித்தராத
உனக்கு விரும்பியதைச் சமைத்து
உண்ணக் கொடுத்திருந்திருக்கலாம் !

உனக்குப் பிடித்தமான செல்போனையும்
கணினியையும் தொடாதிருந்து
அதனருகில் செல்லாதிருந்திருக்கலாம் !

இதில் எதையும் செய்திருக்காவிட்டாலும்
உன்னைத் தனிமையில் தவிக்கவிட்டுச்
செல்லாமல் உயிருடனாவது இருந்திருக்கலாம்!!